Почина поранешен кошаркар на Куманово

На триесетгодишна возраст денеска ненадејно почина поранешниот кошаркар на Куманово, српскиот интернационалец Немања Миљковиќ.

Тој во дресот на Куманово настапуваше во сезоната 2017/18 и беше еден од најдобрите играчи во тогашниот состав со кој настапуваа во Првата кошаркарска лига и одиграа неколку натпревари во регионалната БИБЛ.

Веста преку социјалните мрежи денеска кратко ја соопшти неговата девојка која со емотивна порака се прости од нивната шестгодишна врска.

Во својата кариера настапуваше за низа клубови од Австрија, Естонија, Грција, Полска, Словенија и Катар.