Центарот за јавно здравје Куманово очекува околу 3.000 вакцини против сезонски грип кои преку Министерството за здравство ќе бидат бесплатни за дел од граѓаните, рече денеска епидемиологот Јадранка Стаменковска на седница на Советот на Општина Куманово.
Сепак, вацините сѐ уште не се пристигнати.
– Центарот за јавно здравје очекува 3.000 вакцини против сезонски грип од Министерството за здравство кои ќе бидат бесплатни за лица во ризични групи, хорнични заболувања, возрасни над 65 години, но сите тие вакцини ги очекуваме на крај на октомври, најверојатно на почетокот на следниот месец. ЦЈЗ има предвидено во планот и комерцијални вакцини кои исто така не се пристигнати и ги очекуваме на почетокот на ноември, рече др. Стаменковска.
Бесолатните вакцини ќе одат преку матичните лекари, односно преку „мој термин“, а кога ќе започне вакцинацијата ќе бидат известени матичните лекари и населението.
Никола Ивановски