Платформата за социјална мрежа TikTok во понеделникот објави дека планира да покрене тужба против извршната наредба на претседателот Доналд Трамп со која се забрануваат трансакции со таа апликација, а истото беше објавено одделно во неделата од матичната компанија на „TikTok“, кинескиот „ByteDance“, објави „Ројтерс“.
Според „Ројтерс“, „ТикТок“ рекол дека тие се обидувале да соработуваат со американската администрација скоро една година, но дека се соочиле со „недостаток на соодветен процес“ и дека владата не обрнала внимание на фактите.
„Да се осигураме дека владеењето на правото не е отфрлено и дека со нашата компанија и клиенти се постапува правилно, ние немаме друг избор освен да го оспориме решението за извршување преку правосудниот систем“, се вели во соопштението на компанијата.
И сопственикот на „ТикТок“, кинеската технолошка компанија „ByteDance“, во одделно соопштение во неделата објави дека официјално ќе поднесе тужба против администрацијата на Трамп во понеделник, 24 август.
Претседателот на САД, Доналд Трамп издаде извршна наредба на 14 август, со која му се даде рок од 90 дена на „ByteDance“ за „ослободување на операциите на ТикТок во САД“.
Во исто време, беше објавено дека „ByteDance“ напредува во разговорите со потенцијалните клиенти, вклучително и „Мајкрософт“ и „Оракл“.
Иако TikTok, според „Ројтерс“, е „најпознат по кратките видеа на луѓе што танцуваат и стануваат вирални кај тинејџерите, американските официјални претставници изразија загриженост дека информациите за корисниците би можеле да бидат предадени на кинеската влада на овој начин“.
Белата куќа, заклучи Ројтерс во неделата наутро, не одговорила веднаш на барањето за коментар.