Доколку ви се здосади од обичните, еднолични салати, време е да ги промените рецептите. Зелените салати и покрај тоа што се здрави може да делуваат монотоно и на организмот.
Затоа, употребете неколку состојки со кои ќе ги зачините и збогатите здравите салати и ќе си подготвите неодолив оброк.
Топли состојки
Наместо свежо исецканиот кромид додадете пропржени прстени од кромид, свежите печурки зачинете ги и пропржете ги во масло или пак вареното месо овој пат испечете го.
Јаткасти плодови
Бадемите и оревите се совршен начин за да ја освежите салатата, но не плашете се да експериментирате и со индиските ореви, кикирики или било кој сличен производ.
Авокадо
Егзотичен плод кој понекогаш и е неопходен на вашата салата за да ја направи повкусна и побогата со витамини.
Чаден лосос
За оние со малку подлабок џеб кои сакаат да се почестат, некогаш е одлично во зелената салата да додадат неколку парчиња чаден лосос. Вкусот е многу подруг.
Месо во салатата
Не е лошо ако се почестите и со потпечено месо на скара. Еднаш во неделата дозволено ви е да измешате малку мрсно печено пилешко месо со здравите салати, ситно исечкано на мали коцкички.
Јајца
Варените јајца се одличен начин да се заситите на подолго време и истовремено да го наполните телото со малку повеќе протеини.
Риба од конзерва
Сардината или туната од конзерва се одличен избор за да додадете омега-3 масни киселини во вашиот оброк, неопходни за здравјето на вашиот кардиоваскуларен систем.