По над 40 дена боледување лекарката Гордана Николиќ од Куманово го има првиот негативен тест на коронавирусот.
„Стискајте палци и за вториот брис што ќе ми го земат утре, напиша Николиќ на нејзиниот фејсбук-профил.
Таа со вирусот се зарази на своето работно место, јавно укажа дека е позитивна, а потоа упати и критика до Фондот и Министерството за здравство поради тоа што беше принудена сама да си го плаќа лекувањето.
„Прв пат негативен брис, од првиот позитивен на 23 ти март и сите потоа беа позитивни, се до сега. Се радувам како дете. Еве и пивото од фрижидер го најдов да наздравам, за сега уште само на тераса можам да си наздравам сама со себе! Стискајте палци и за вториот брис што ќе ми го земат утре,“ напиша Николиќ на нејзиниот фејсбук-профил.
Николиќ со коронавирусот се зарази по контакт со првата почината пациентка од Куманово, кај која присуството на вирусот беше потврдено постхумно.
Никола Ивановски