Фото клуб Куманово објави отворен повик за млади луѓе, во рамките на проектот „Сликите од регионот“, преку кој ќе се рашират и разменат културни вредности од државите кои учествуваат во проектот: Албанија, Босна и Херцеговина, Србија и Македонија, преку фотографија.
Право на учество имаат луѓе на возраст од 18-25 години.
Млади луѓе кои никогаш не ја поминале границата на својата земја, луѓе со инвалидитет / или со помалку можности, ќе имаат предност за време на селекцијата.
Идејата на организаторот е да се фотографира животот во локалната заедница, преку следните теми:
А. Портрет
B. Фолклор, животот и обичаите на локалното население
C. Пејзаж (преку кој ќе се отслика и најдобро претстави од гледна точка на учесникот околината)
Фотографиите мора да бидат со димензии: 20х30 см, со формат од 300dpi.
Фајловите мора да бидат именувани соодветно: Тема_Име на автор_Име на фотографија_Држава
Пример: A_Jovan Jovanovski_Through my window_MKD; B_Bajram Shabani_Love_MKD итн.
Користете само англиска азбука (латинично писмо) за именување на фајловите.
Соодветно означени фотографии испратете ги електронски на: [email protected]
Секој учесник може да испрати максимално 5 фотографии.
Селекторот ќе ги разгледа фотографиите и ќе контактира со најдобрите 5 за понатамошна соработка.
Избраните 5 учесника ќе имаат можност да посетат 2 дневна работилница тука во Македонија, тродневна напредна работилница во Србија, ќе се запознаат со разните култури, историја, традиција и фолклор на местата каде што ќе се одржат работилниците и ќе го зголемат својот уметнички потенцијал на изразување низ фотографија.
Краен рок на поднесување на фотографии е: 20-ти февруари 2020 година.