Колку често треба да се перат одредени производи е вечно прашање затоа што различни производители честопати имаат спротивставени погледи.
Така, за фармерките беше зборувано дека не треба да се перат со месеци, што ако мислиме со здравиот разум, не е хигиенски.
Порталот Real Simple обезбеди детален водич за секое парче облека, а според него, фармерките треба да се перат по четири до пет носења.
Без оглед на тоа што животот на тексасот ќе биде продолжен со поретко перење, прашината ќе се акумулира на нив по неколку носења, а со оглед дека во нив телото и повеќе се поти (особено во текот на летото) потребно е почесто перење.
Пижамите треба да се заменат по три носња, како и градниците, а хулахопките и нешто бела облека треба да се фрлат за перење по само едно носење. Ако се извалкате, секако, ова треба веднаш да се смени.
Погледнете детален водич за тоа колку често се мие различно парче облека.
Градник – по 3-4 носења
Панталони и здолништа – по 5-7 носења
Спортски градници – 2 пати во сезона
Сè што е бело и свилено – после секое носење
Пижами – по 3-4 носења
Хеланки и панталони за јога – по 1-3 носења
Долна облека – после секое носења
Фармерки – по 4-5 носења
Јакни и сакоа – по 5-6 носења
Кратки панталони – по 2-3 носења
Облека за пливање – после секое носење
Џемпери – памук, свила и кашмир по две носења, волнени и синтетички по пет носења
Маици со кратки ракави, долна облека и кошули без ракави – по секое носење
Маици и фустани – по 1-3 носења
Волнени палта – 2-3 пати во сезона
Кожни јакни – еднаш во сезона
Хулахопки – после секое носење
Долна облека за обликување – по носење 1-3
На колку степени?
Иако денес е модерно доба, и сè повеќе се обрнува внимание на зачувувањето на енергијата, па дури и перењето на алиштата на пониски температури може да заштеди одредена енергија, ова во многу случаи не е препорачливо.
Според експертите, перењето на пониски температури дури може да биде штетно за здравјето, бидејќи не се уништуваат доволно бактерии на премногу ниска температура.
Перењето на температури под 40 Целзиусови степени потиснува мал број бактерии, грини, вируси и слично.
Општа препорака е дека алиштата, доколку е можно, треба да се перат на минимум 60 степени бидејќи тоа гарантира ефикасност.
Посебно внимание треба да се посвети на перењето на долна облека, крпи и чаршафи.
Овој вид алишта мора да се мие на високи температури затоа што е „богат“ со извори на инфекција, особено за време на заболувања и разни инфекции.
Се препорачува перење на долна облека одвоено од другата облека, открива хемичарот Иван Немет.