Многу луѓе во албанската престолнина, Тирана и Драч, не смееја да се вратат во своите домови заради многуте последователни земјотреси што уследија по силниот земјотрес во кој се повредени 105 лица, а стотици згради беа оштетени.
Албанскиот институт за геолошки науки, енергија, вода и животна средина објави дека повеќе од 340 последователни земјотреси го следеле земјотресот со јачина од 5,8 степени што го погоди Драч вчера попладне.
Околу 600 домови, претежно изградени пред 1990 година, претрпеа штета во земјотресот, што исто така кратко го прекина снабдувањето со вода и електрична енергија во Тирана, Драч и некои западни и централни населби, соопштија властите.
Albania struck by 5.6-magnitude earthquake, injuring at least 37 https://t.co/pUV1v8cYM7 pic.twitter.com/9MPh8nVBBC
— CNN International (@cnni) September 21, 2019
Геолошкиот институт на САД и Европскиот медитерански сеизмолошки центар го регистрираа земјотресот и проценија дека е со јачина од 5,6 степени. Се чувствуваше по западниот брег далеку кон истокот. Многу луѓе истрчаа надвор кога земјотресот се случи завчера во 16.04.
Најмалку 500 луѓе ја минале ноќта во привремени засолништа. Инспекторите денес ги проценуваа оштетените згради. На некои жители на Тирана им било речено да не се враќаат во своите станови, кои биле оценети како небезбедни.
Во Драч, жителите кои се исплашени да се вратат во своите домови и станови, планираат да ја поминат втората вечер надвор.
Армијата постави шатори на фудбалскиот стадион каде беа испратени храна и медицински тим. Премиерот Еди Рама рече дека добил повици од неговите италијански, германски и други европски колеги кои нудат помош.