Виетнамската полиција пронајде тигар тежок 240 килограми, кој се наоѓал во железен кафез во камион на тројца криумчари, јавуваат локалните медиуми.
Loading...
Тигарот е фатен во областа Кванг Нин на северниот дел на земјата. Организаторот на криминалната група Нгујен Ван Мин (49) признал дека нелегално го купил животното во централен Виетнам.
По апсењето, полицијата упаднала во домот на Мин и пронашла два трупа на тигри, 12 черепи и три кожи од тигри.
Во јули годинава, виетнамските власти на аеродромот Ханој го открија и најголемиот меѓународен синџир на трговија со рогови од носорог во овој дел од светот.
Виетнам е земја погодна за криумчарење диви животни. Од 2000 година, низ целата земја, 200 тигри биле фатени од ловокрадци.