Вкупно 141.000 евра биле откриени при контрола на македонски автомобил, сопственост на компанија за изнајмување на автомобили, управуван од италијански државјанин, кој бил придружуван од неговиот татко, а бил пријавен за излез од државата на граничниот премин Табановце автопат, информираат од Царинската управа.
– На прашањето на царинските службеници колку девизни средства носите заедно со вашиот сопатник, возачот одговорил дека заедно со неговиот татко имаат 5.000 американски долари и околу 1.000 евра, но при извршената контрола на автомобилот, во памучна блуза сместена под наслонот за раце помеѓу предните седишта на возилото, биле пронајдени непријавени 157.000 евра, а во паричникот на сопатникот биле пронајдени 5.000 американски долари, стои во извештајот на Управата.
Согласно Законот за девизно работење, на лицатa им биле вратени 16.000 евра и 5.000 евра, износ што двајца нерезиденти можат слободно да го изнесат од државата, додека останатите 141.000 евра се привремено задржани, а против возачот е отпочната соодветна постапка.