Мобилната единица за безбедност во сообраќајот при Министерството за внатрешни работи деновиве спроведува засилена акциска контрола во областа на сообраќајот на територијата на Куманово, а во текот на вчерашниот ден (24.12.2020) санкционирани се 96 возачи, информирапе денеска портпаролот на Министерството за внатрешни работи Тони Ангеловски.
Како што истакна Ангеловски, од вкупно напишаните казни, 14 се за возење без возачка дозвола, 12 за нерегистрирани возила..
„Евидентно е дека имаме подобрување на дисциплината на возачите на целата територија на државата, како резултат на овие засилени контроли, што пак се рефлектира и на значително намалениот број на сообраќајни незгоди и жртви.
Споредено ноември 2020 година со ноември 2019 се бележи за 21 отсто намален број на сообраќајни незгоди, за 36 отсто намален број на загинати лица, за 75 отсто намален број на загинати пешаци, а за 47 отсто е намален бројот на сообраќајни незгоди со тешки телесни повреди.
– И на територијата на СВР Куманово е евидентно намалувањето на сообраќајни незгоди, особено оние со тешки телесни повреди, кои се намалени за 80 отсто, а вкупниот број на собраќајни негоди е намаен за 37 отсто. Засилените сообраќајни контроли продолжуваат и во наредните денови. Апелираме граѓаните да ги почитуваат сообраќајните правила и прописи за да ја зголемиме безбедноста во сообраќајот, рече Ангеловски.
Никола Ивановски