Учебната година во Јапонија има 210 наставни денови. Иако јапонскиот образовен систем има многу сличности со оние во другите земји, постојат неколку аспекти што го прават еден од најефикасните во светот.
Bright Side наведе зошто јапонскиот систем е толку многу пред останатите.
- Спиењето е знак на посветеност
Ако детето во Јапонија заспие за време на часот, не е чудно. Училиштата имаат напорен распоред, така што спиењето зад училишната клупа не се смета за знак на непочитување или мрзеливост, туку на посветеност.
- До четврто одделение, децата во Јапонија немаат тестови
Можеби изгледа чудно, но јапонските училишта ги ставаат манирите пред знаењето.
Во првите три години, целта е да се развие карактерот на децата и да се воспостават добри манири, а не да се суди за нивното знаење.
Исто така, децата се учат да ги почитуваат другите и да развиваат врска со природата и животните.
- Децата сами го чистат училиштето
Додека училиштата во остатокот од светот вработуваат чувари и чистачи кои се задолжени за редот и чистотата, тоа не е случај во Јапонија.
Таму, учениците се одговорни за хигиената на училниците, училишните кујни, дури и тоалетите.
Јапонските едукатори веруваат дека заедничкото чистење ги учи децата да си помагаат едни на други и да работат во тимови.
И трошејќи време за бришење маси и подови, тие учат да ја почитуваат својата и туѓата работа.
- Учениците јадат во училницата со својот наставник
Додека во некои земји не доаѓа предвид да се види наставник како јаде со своите ученици, во Јапонија се смета дека е корисно во градењето на нивната врска.
За време на ручекот, тие имаат корисни разговори кои помагаат да се загрее атмосферата.
Јапонските училишта им нудат на децата здрави и урамнотежени оброци. Ручекот се подготвува според стандардизирано мени развиено од здравствени професионалци и квалификувани готвачи.
- Децата посетуваат работилници после училиште
Работилниците по училиште се многу популарни во Јапонија. Таму учениците можат да научат многу нови знаења и вештини.
Часовите се одржуваат навечер, а повеќето јапонски ученици посетуваат работилници за да обезбедат запишување во добри средни училишта.
За разлика од многу ученици ширум светот, Јапонците учат дури и за време на викендите и празниците.
- Децата учат поезија и јапонска калиграфија
Јапонската калиграфија е уметничка форма во која луѓето пишуваат значајни канџи карактери (кинески знаци што се користат во модерниот јапонски јазик).
Хаику, од друга страна, е форма на поезија во која длабоките емоции пренесуваат длабоки емоции до читателот.
Се смета дека оваа форма на поезија има интелектуални, терапевтски и естетски ефекти.
Со учење калиграфија и поезија, децата учат да ја почитуваат нивната вековна традиција и да ја ценат нивната култура.
- Речиси сите ученици носат униформи
Кодексот на облекување им овозможува на ученциите да се фокусираат на учењето и растот, а исто така ги охрабрува децата да се изразат на друг начин освен да се облекуваат.