До пред неколку децении, на луѓето кои имаа тетоважи на нивните тела, се гледаше со чудење. Се сметаше дека тетоважа имаат само затвореници, или оние што служеле во ЈНА.
Оние што ги носеле, честопати го покривале со облека, така што општеството не би ги осудувало, но исто така се плашеле да не бидат отпуштени доколку се открие дека тие го украсиле телото на овој начин.
Имено, уште од античко време луѓето сакале да ги красат своите тела на различни начини. Додека едните носеле обетки, други воени бои, тетоважите биле присутни во многу култури.
Подоцна се прошири тоа како тренд и стана сеприсутно, салоните за тетоважи се наоѓаат практично на секој чекор на патот, но дури и денес има земји каде тетоважата може да ве доведе во неволја.
„Brightside“ истакна пет земји каде ќе се соочите со проблеми доколку имате тетоважи.
Тајланд
Кога ќе дојдете на Тајланд, запомнете – не постои шега со кралот и неговото семејство на кој било начин. Исто така, не се шегувајте со Буда. Бидејќи ова е мнозинска будистичка земја, сликите на Буда и статуите се сметаат за свети, а ако сметате дека му оддавате почит доколку имате негова тетоважа – тогаш грешите.
Да се има тетоважа на Буда на раката или грбот се смета за непочитување и навредливо е за припадниците на религијата.
Затоа, Тајланд им забрани вакви тетоважи на локалното население, како и на странците, затоа препорачуваме да го покриете Буда доколку го користевте за да го украсите вашето тело при посетата на Тајланд.
Данска
Во оваа земја од 1996 година официјално е забрането тетовирање на рацете, вратот или лицето.
Се разбира, Данците се сè уште премногу либерални, затоа што ако прошетате низ Копенхаген, ќе видите многу со тетоважи точно на споменатите места, така што законот е всушност – мртво писмо на хартија.
Хаваи
Забрането е да имате тетоважи на две места, освен ако не ви е дозволено да го сторите тоа, и тоа од страна на лекар.
За тетовирање зад увото или очните капаци, потребно е присуство на лекар, така што на островот тоа се избегнува.
Северна Кореја
Како и сè, тетовирањето во оваа земја е строго под контрола на Комунистичката партија.
Така, на пример, не треба да го ставате зборот „љубов“ ако тоа покажува чувства кон вашето семејство, но ако го покажете тоа чувство за државата – тоа е добредојдено.
Од друга страна, ако сакате да истетовирате слика на Ким Јонг Ун или на некој од неговите предци, може да завршите во повеќегодишен затвор затоа што сликите на владетелите се свети.
Всушност, кога размислуваме за тоа подобро, не знаеме ни кој би се осмелил да ја тетовира таа слика, и не е дека жителите на Северна Кореја патуваат многу низ светот…
Јапонија
Иако Јапонците не забрануваат тетовирање, не можете да влезете со тетоважи насекаде.
Причината за ова лежи во минатото, кога тетоважите се поврзуваа со јапонското криминално подземје, поточно, јакуза. Значи, ако се подготвувате за базен, , ресторан или кое било друго слично место, проверете вашите тетоважи да не бидат видливи.
Германија
Иако има тетоважи колку што сакате во Германија, некои работи се забранети со закон и се казнуваат.
Значи, не смеете (или смеете, но никој да не може да види) да имате тетоважа со кукаст крст или сличен симбол што укажува на нацизмот.
Сепак, Германците не гледаат позитивно ниту на комунистичките симболи, и така вашите тату мајстори ќе одбијат да го украсат вашето тело со срп и чекан, црвена ѕвезда и слични работи.