Во изминатите десет години, нема напредок во намалувањето на сексистичките предрасуди кои „се вкорениле“ во општеството и покрај кампањите за промовирање на правата на жените, како што е MeToo, изразија жалење ОН.
И за мажите и за жените, „социјалните норми засновани на родови стереотипи се широко распространети низ светот.
„Речиси 90 отсто од населението има барем една сексистичка предрасуда“ од седум испитаници анкетирани од Програмата за развој на Обединетите нации (УНДП).
Овие „стереотипи се широко распространети меѓу мажите и жените, што укажува на тоа дека тие се длабоко вкоренети и подеднакво ги погодуваат мажите и жените“, се вели во извештајот.
УНДП, користејќи податоци од Истражувањето на светските вредности – меѓународен проект за промена на вредностите и верувањата во светот, кој опфаќа 80 земји со 85 отсто од светското население – го ажурираше својот индекс на општествени норми за полот, кој вклучува политички и економски димензии, а се однесува на образованието и физичкиот интегритет.
Тој индекс покажува „нема подобрување на предрасудите кон жените во последните десет години“, „и покрај големите глобални и национални кампањи за правата на жените“, како што е MeToo, посочува УНДП.
Речиси половина од светската популација (49 проценти) сè уште верува дека мажите се подобри политички лидери од жените
На пример, речиси половина од светската популација (49 проценти) сè уште смета дека мажите се подобри политички лидери од жените, а само 27 проценти мислат дека е важно за демократијата жените да имаат исти права како и мажите.
Речиси половина од населението (46 проценти) верува дека мажите имаат поголемо право на работа, а речиси исто толку (43 проценти) веруваат дека мажите се подобри директори на компании.
Една четвртина од населението верува дека е во ред мажот да тепа жена, а 28 проценти дека факултетот е поважен за мажите.
Ваквите стереотипи се „пречка“ за жените и водат до „кршење“ на нивните права
„Ако не ги потиснеме таквите општествени норми, нема да постигнеме еднаквост меѓу мажите и жените и целите за одржлив развој“, се предупредува во извештајот.
Оваа стагнација на стереотипите всушност се случува во време на пад на човековиот развој воопшто и е поврзана со пандемијата на Ковид-19.
„Општествените норми кои ги ограничуваат правата на жените се штетни за целото општество бидејќи го попречуваат напредокот на човековиот развој“, коментира Педро Консеиао, директор на Канцеларијата за следење на човечкиот развој на УНДП.
„Сите ќе имаме корист ако се гарантираат слободата и правата на жените“, рече тој, пренесува Индекс.