Холандската влада соопшти дека околу 25.000 кокошки биле уништени на фарма на југот на земјата, откако било откриено дека се заразени со опасен вид птичји грип.
Loading...
Фармата се наоѓа во градот Неркант, 30 километри јужно од Ајндховен.
Транспортот од блиските 83 фарми е исто така забранет, соопшти холандската влада, пренесе Ројтерс.
Минатиот месец во Холандија беа пријавени повеќе од 10 случаи на птичји грип, откако претходно оваа година беа пријавени десетици случаи на оваа болест.
Франција забележа оживување на птичји грип минатиот месец, откако земјата беше погодена од најлошиот бран на болеста досега на почетокот на оваа година.