Руски воен транспортен авион Ан-26 се урна додека летал над Крим, при што загинале шест членови на екипажот и 23 патници, соопшти руското Министерство за одбрана.
Според Министерството, контактот со Ан-26 бил изгубен во вторникот околу 18 часот по московско време, а авионот бил на редовен лет над Крим.
„Тимот за пребарување и спасување го лоцираше местото на падот на авионот Ан-26. Според извештаите од местото на настанот, шест членови на екипажот и 23 патници во авионот загинале“, се вели во соопштението на Министерството.
Според соопштението, „прелиминарната причина за несреќата е технички дефект“.
На местото на несреќата работи комисијата на руското Министерство за одбрана, соопшти руската војска.