16 лица загинаа во пожар во дом за стари лица во Индонезија (ВИДЕО)

On:
Сподели со своите пријатели

16 лица загинаа во пожар во дом за стари лица во градот Манадо на индонезискиот остров  Сулавеси, објави државната новинска агенција Антара.

Пожарот во домот за стари лица Верда Дамаи конечно беше изгаснат доцна вчера, а властите сè уште ја истражуваат причината, изјави Аламсја П. Хасибуан, полициски службеник.

Снимките од новинскиот канал Метро ТВ покажуваат оган како гори низ зградата, а жителите му помагаат на постаро лице да избега од запалената зграда.

Џими Ротинсулу, раководител на противпожарната служба во Манада, изјави за Метро ТВ дека жителите на домот се заробени во зградата, додавајќи дека уште три лица претрпеле изгореници.

ПРОЧИТАЈТЕ И:  Израелската армија го доби „Железен зрак“: Моќно оружје кое може да соборува ракети