По безбедносната проверка, само околу 150 Палестинци ќе можат да ја напуштат Газа дневно преку преминот Рафа, додека 50 од нив ќе можат да влезат во Појасот, објави Ал Џезира, повикувајќи се на локални извори.
Според договорот, Мисијата на Европската Унија за гранична помош (EUBAM), која ќе управува со палестинската страна на преминот, ќе достави до египетската страна, според договорот, список со имиња на луѓе кои сакаат да ја напуштат Газа, заедно со нивната крајна дестинација, за безбедносни проверки.
Слично на тоа, Египќаните ќе достават список од 50 имиња на Палестинци кои сакаат да влезат, на кои ќе им биде дозволен влез следниот ден по безбедносната проверка, се вели во извештаите.
Израелскиот премиер Бенјамин Нетанјаху претходно објави дека 50 жители на Газа дневно ќе можат да влезат во Појасот, придружувани од членови на семејството, додека нема да има ограничувања за излез, објавува The Times of Israel.
Според Координаторот за владини активности на териториите (COGAT), околу 42.000 жители на Газа го напуштиле Појасот Газа за време на војната, претежно пациенти кои барале лекување во странство или лица со двојно државјанство, пренесува Танјуг.