Иранската војска денес објави дека нејзините единици за воздушна одбрана собориле дрон MQ-9 во близина на Исфахан, во централниот дел на Иран, велејќи дека му припаѓал на американско-израелскиот „агресивен непријател“.
Иранските воени претставници за односи со јавноста изјавија дека дронот бил пресретнат и уништен порано денес, што го прави 146-то беспилотно летало соборено од Иран, според соопштението, пренесува Тасним.
Дронот MQ-9 Reaper, кој се користи за надзор и напад, чини приближно 30 милиони долари.
Напад: 11 мртви во нападите врз градот Махалат
Во американско-израелскиот напад врз градот Махалат во покраината Маркази, во централниот дел на Иран, 11 лица беа убиени, додека уште 15 беа повредени, објавија претходно иранските медиуми.
Три станбени единици во градот Махалат беа директно погодени од ракети во текот на ноќта, што предизвика голема материјална штета, пренесува Тасним.
Соединетите Американски Држави и Израел извршија напади низ Техеран и Исфахан, во централниот дел на Иран, пренесува Танјуг.