Најмалку 10 лица загинаа во удар на гром во источната пакистанска провинција Пенџаб, соопштија денеска официјални лица.
Loading...
Во тој регион паѓа обилен дожд пред сезоната на монсуните.
Громовите се вообичаени во Пакистан, особено во планинските области и рамнините на Пенџаб.
Пакистанската метеоролошка служба соопшти дека се очекуваат нови врнежи оваа недела.
Државната управа за управување со катастрофи предупреди дека обилниот дожд може да предизвика поројни поплави.
Многу области во Пакистан доживуваат проблеми секоја година за време на сезоната на монсуните, која трае од јули до септември, а владата е критикувана за тоа.
Минатото лето во поплавите загинаа повеќе од 1.700 луѓе низ Пакистан, а повеќе од осум милиони луѓе беа раселени.