Куќа вчера изгоре во пожар во селото Облавце во општина Старо Нагоричане, инфомираат денеска од Регионалниот центар за управување со кризи.
Во 21:20 часот на терен излегле четворица пожарникари со две возила од ТППЕ Старо Нагоричане и интервенирале до 01:10 часот по полноќ кога огнот бил целосно изгаснат.
Како што потенцираат оттаму причина за настанување на пожарот е електричната инсталација.
Претходно во истото село, околу 19:15 часот пожарникарите интервенирале кога гром удрил во електричен столб и струјомер кои се запалиле и предизвикале пожар кој бил изгаснат еден час подоцна.
Неколку пожар имало и на териториите на општините Куманово и Липково.
Во селото Ваксинце грела сува трева во период од 14:55 до 16:00 часот.
Од 16:00 до 18:4 часот пожарникарите гаснеле запалена сува трева во атарот на липковско Лојане.
Сува трева горела и во атарот на селото Шупљи камен каде во период од 16:30 до 17:15 часот интервенирале тројца пожарникари.
Во Горно Којнаре пак гореле сува трева и плевна, каде во период од од 15:20 до 19:45 часот интервенирале четворица пожарникари.
Во селото Винце се запалила сува трева, но и еден објект. На терен интевенирале тројца пожарникари во период од 17:15 до 20:40 часот.
Според последните информации утринава нема активни пожари.
Никола Ивановски