Францускиот амбасадор во Украина Етјен де Понсинс објави фотографија од Лавов на која се прикажани тимови кои пристигнале од Франција за да им помогнат на локалните власти да ги истражат воените злосторства.
Тој на Твитер објави дека тим полициски истражители дошол да им помогне на своите украински колеги „во истрагата за воените злосторства извршени околу Киев“.
„Франција беше првата што обезбеди таква помош. Ќе биде на работа утре. Солидарност“, напиша тој на Твитер.
Fier d’accueillir à #Lviv le détachement des gendarmes techniques et scientifiques venu assister leurs camarades 🇺🇦 dans les investigations des crimes de guerre commis autour de #Kiev. La 🇫🇷 première à apporter une telle aide. Ils seront à pied d’œuvre dès demain. Solidarité 🇫🇷🇺🇦 pic.twitter.com/3pX9LkPzeq
— Etienne de Poncins (@EdePoncins) April 11, 2022
Германија гледа огромни индиции за воени злосторства
Германската министерка за надворешни работи Аналена Бербок вели дека Германија гледа огромни индиции за воени злосторства во Украина.
– Имаме огромни индиции за воени злосторства. На крајот ќе треба да одлучат судовите, но централно е да ги обезбедиме сите докази – изјави таа за новинарите пред средбата со колегите европски министри во Луксембург.
Британија: Русите би можеле да користат фосфорни бомби во Мариупол. Можат да изгорат човек до коска
– Како германска федерална влада веќе јасно ставивме до знаење дека ќе има целосно укинување на фосилните горива, почнувајќи од јагленот, потоа нафтата и гасот, а за да може тоа заеднички да се спроведе во Европската унија, потребна ни е заеднички, координиран план за целосно укинување на фосилните горива – додаде таа.