Wizz Air ги рестартира летовите за Русија

Сподели со своите пријатели

Додека војната во Украина продолжува, Русија останува изолирана во меѓународната заедница.

Loading...

Меѓународните брендови ја бојкотираат Русија, додека земјите и авиокомпаниите воведуваат забрани за летови и други санкции.

Но, една авиокомпанија објави дека ќе ги рестартира летовите до Русија како одговор на, како што вели, побарувачката на патници.

Како што пренесува Си-Ен-Ен, Wizz Air Abu Dhabi објави дека ќе започне со продажба на билети за летовите од Абу Даби до Москва, кои ќе започнат на 3 октомври.

ПРОЧИТАЈТЕ И:  Казахстан ја одби Русија да го протера украинскиот амбасадор

Основана во декември 2019 година, оваа компанија е подружница во Емирати на Wizz Air, една од најбрзо растечките европски нискобуџетни авиокомпании, со седиште во Унгарија.

„Виз Ер Абу Даби е национална авиокомпанија на Обединетите Арапски Емирати (ОАЕ) што работи во согласност со националните регулативи и политики на ОАЕ. Авиокомпанијата ги обновува летовите до Москва за да ги исполни барањата на патниците кои сакаат да летаат од и од Русија до главниот град на ОАЕ. Сите национални авиокомпании на ОАЕ во моментов имаат директни летови до Русија“, се вели во соопштението на портпаролот на компанијата.

ПРОЧИТАЈТЕ И:  Кремљ појасни каде се границите на новите руски региони

Etihad, Emirates и FlyDubai се меѓу авиокомпаниите кои летаат за Русија од ОАЕ.

Wizz Air првично ја започна оваа рута во декември 2021 година, но потоа ја суспендираше кога Русија ја нападна Украина.

Loading...

Сите информации поврзани со најновите случувања со војната во Украина можете да ги прочитате ТУКА.