Германија во јули ќе и ги испорача на Украина првите 15 противвоздушни тенкови „Гепард“.
Испораката во петокот ја договориле министрите за одбрана на двете земји Кристине Ламбрехт и Олексеј Ресњиков, дознава ДПА.
Договорот подразбира и дека Бундесверот ќе ги обучува украинските војници за употреба на тенкови. Покрај тоа, Украина ќе добие околу 60.000 парчиња муниција, а подоцна во текот на летото уште 15 тенкови.
Јутуб отстрани повеќе од 9.000 канали поврзани со војната во Украина
„Денеска разговарав со мојот украински колега Ресников и тој уште еднаш јасно потврди дека Украина сака противвоздушни тенкови Гепард и 59.000 парчиња муниција од Германија што е можно поскоро“, рече Ламбрехт по видео средбата.
„Гепардот е ефикасно оружје кое има и големо застрашувачко дејство, на пример во одбраната на најважната инфраструктура“, рече министерот. „Сега ќе работиме заедно за да ги подготвиме првите 15 Гепарди за акција со целосно обучени екипажи од средината на јули.
Во Германија се води долга дебата дали да се испрати тешко оружје во Украина. Краус-Мафај Вегман доби дозвола од владата да продава поправени тенкови од претходните резерви на германската армија. Компанијата има околу 50 тенкови кои можат да се користат против цели на земјата.
Германија ќе и испорача седум оклопни хаубици на Украина од о 2000 година. Во Германија неодамна започна обуката на украинските војници за нивна употреба.
Ресњиков на Твитер напиша дека имал успешен разговор со Ламбрехт и дека се зборувало за почеток на важен проект.