Европската унија веќе подолго време размислува да им го отежне добивањето виза на руските граѓани, а последниот предлог на Европската комисија се однесува на усложнување на процедурата за аплицирање и зголемување на таксите од 35 евра на 80.
Оваа одлука, доколку биде усвоена, треба да продолжи се додека Москва води војна против Украина, објави Европската комисија.
Тие дадоа неколку предлози за отежнување на влезот во ЕУ за руските граѓани, меѓу кои:
Повисока давачка за 80 евра наместо 35
Подолг процес на аплицирање
Лимит за повеќекратна виза
Подолг список на придружни документи
Повеќе од еден милион Руси патувале во земјите на ЕУ од почетокот на инвазијата на Украина во февруари, според постојниот договор за визи меѓу ЕУ и Русија во кој Русите уживаа во поедноставен процес во последните 15 години.
Маргаритис Шинас, потпретседател на Комисијата на ЕУ, рече дека Русија „целосно ја поткопа“ довербата на која се заснова постојниот договор.
Потегот од вторникот уследи по минатонеделната одлука на министрите за надворешни работи на ЕУ, кога тие начелно се согласија да го суспендираат постојниот договор за визен режим со Москва.
Планот се сметаше за компромис, имајќи предвид дека Украина и земјите кои не се членки на ЕУ побараа целосна забрана за влез на руски државјани во ЕУ, но други земји како Франција и Германија се спротивставија да се оди толку далеку.
Сите информации поврзани со најновите случувања со војната во Украина можете да ги прочитате ТУКА.