Пекол на Црното Море: Украински дронови запалија клучно руско пристаниште, има мртви (ВИДЕО)

On:
Сподели со своите пријатели

Најмалку едно лице е убиено во напад со украински дронови врз црноморското пристаниште Туапсе, каде што избувнаа неколку пожари на голем терминал.

Ова е втор напад на истото место за помалку од една недела, пишува The Moscow Times.

Според достапните информации, целта била рафинерија во сопственост на Роснефт, која сè уште се опоравувала од претходниот напад.

Видеа од горење на резервоари за нафта циркулираат на социјалните мрежи, а локалните власти тврдат дека се оштетени и гасовод, црква и две училишта.

Градоначалникот Сергеј Бојко рече дека службите за итни случаи се на терен, додека сателитските снимки на НАСА покажаа густ чад што се шири десетици километри од градот.

ПРОЧИТАЈТЕ И:  Фицо бара алтернативна рута до Русија по забраната за прелетување над Балтикот

 

 

Гувернерот на Краснодарската област потврди дека едно лице е убиено, додека друго е повредено.

Украина претходно објави дека погодила цели во Туапсе и објекти за складирање нафта во анектираниот Крим, по што, според руските власти, нафта се излеала во Црното Море.

Рафинеријата во Туапсе, со капацитет од 12 милиони тони годишно, е клучна за извозот на руски нафтени производи.

Руското Министерство за одбрана тврди дека 112 украински дронови биле соборени преку ноќ, додека уште едно лице било убиено во одделен напад во Курската област.

ПРОЧИТАЈТЕ И:  Тигар скокна меѓу гледачите во циркус во Русија (ВИДЕО)

Нападите се случуваат во време на засилени украински напади врз руската енергетска инфраструктура, насочени кон намалување на приходите од нафта.

Претседателот Володимир Зеленски ја критикуваше одлуката на администрацијата на Доналд Трамп да го продолжи ослободувањето од санкциите за руската нафта.