Руската опсада на градот Мариупол дополнително го усложни преговарачкиот процес и тешко е да се каже кога би можеле да продолжат директните преговори, изјави за Ројтерс украинскиот преговарач Михаил Подољак.
Во писмениот одговор на прашањата на Ројтерс, тој рече дека верува оти Русија смета на зајакнување на своите позиции преку нова офанзива што ја започна во источна Украина.
Очигледно, во позадината на трагедијата во Мариупол, преговарачкиот процес стана уште покомплициран“, рече Подољак, пренесува Танјуг.
Руското Министерство за одбрана претходно денеска им понуди на украинските сили кои беа блокирани во металуршкиот комбинат „Азовстал“ во Мариупол доброволно да се предадат, но тие одбија.
Русија тврди дека припадници на украинските националистички баталјони и странски платеници се во „Азовстал“.