Времето денеска низ Македонија ќе биде сончево и топло, попладне со мала до умерена облачност, особено во планинските подрачја каде ќе има услови за краткотраен локален дожд.
Ќе дува умерен, наместа засилен ветер од северен правец (над 60 km/h), информираат од Управата за хидрометеоролошки работи.
Минималната температура ќе биде во интервал од 11 до 20, а максималната ќе достигне од 33 до 40 степени.
Во Куманово и околината денеска ќе имаме претежно сончево и топло време со мала облачност.
Ќе дува умерен до засилен ветер од северен правец, кој на моменти ќе достигнува брзина и над 50 километри на час.
Утринската температура ќе се движи околу 14 степени, додека максималната дневна се очекува да достигне 33 степени целзиусови.
За подрачјето на Куманово од страна на УХМР за денеска е издадено жолто метео предупредување за силен ветер.
Утре низ кумановско ќе имаме сончево и топло време. Ќе дува умерен до засилен ветер од северен правец, кој на моменти ќе достигнува брзина и до 50 километри на час. Температурата во утринските часови ќе се движи околу 13 степени, додека максималната дневна ќе достигне 30 степени целзиусови.
Во среда ќе имаме сончево и многу топло време со слаб до умерено засилен ветер од северен и северозападен правец. Утринската температура ќе се движи околу 13 степени, а максималната дневна ќе достигне до 33 степени целзиусови.
Сончево и многу топло време ќе имаме и во четврток, на првиот ден од август. Ќе дува слаб до умерен ветер од јужен правец, а температурата ќе се движи од минимални 13 до максимални 36 степени целзиусови.
За втори август, Денот на републиката, ќе имаме пеколно топло време. Ќе дува слаб до умерен јужен и југоисточен ветер, додека температурата ќе се движи во интервал од 16 степени во утринските часови до максимални 38 во текот на денот.
И во сабота ќе имаме сончево и многу топло време со слаб до умерено засилен северозападен ветер. Температурата во утринските часови ќе се движи околу 17 степени, а дневниот максимум ќе достигне 37 степени целзиусови.
Претежно сончево и многу топло со мала облачност, ќе биде времето во недела. Ќе дува слаб до умерен ветер од североисточен правец, а температурата ќе се движи од минимални 17 до максимални 34 степени целзиусови.
Следната недела се очекуваат уште повисоки температури.
Никола Ивановски