Синџирот за брза храна „Мекдоналдс“ ја повлече продажбата на хамбургери „квотер паундер“ во една петтина од своите ресторани во САД, по појавата на ешерихија коли.
Откако го конзумирале тој хамбургер, од него се разболеле речиси 50 луѓе во 10 држави, а еден починал.
Портпаролот на Мекдоналдс во средата изјави дека синџирот за брза храна продал околу милион од тие хамбургери во временската рамка кога се појавила болеста, објави CBS News.
Компанијата рече дека верува дека повеќе луѓе би се разболеле доколку контаминацијата дојде од самите ќофтиња, додавајќи дека за тоа може да биде виновен кромидот што се користел.
Американскиот центар за контрола и превенција на болести во вторникот ги поврза хамбургерите „квотер паундер “ со избувнувањето, што е пријавено во Колорадо, Небраска и други држави.
Повеќето од оние кои се разболеле пријавиле дека јаделе ваков хамбургер од тој ресторан, а инспекторите работат на тоа да потврдат која состојка на храната била контаминирана.
Мекдоналдс соопшти дека неговите хамбургери се варени на 175 степени, над 160 степени потребни за да се убие Ешерихија коли, може да се поврзе со исечениот кромид што се користи.
Мекдоналдс отстрани исечен кромид и говедско месо од од своите локации во Колорадо, Канзас, Јута, Вајоминг и делови од Ајдахо, Ајова, Мисури, Монтана, Небраска, Невада, Ново Мексико и Оклахома.
Американската Администрација за храна и лекови вели дека најверојатниот извор на контаминација се исечен кромид или говедско месо, а Мекдоналдс го отстранил тој вид плескавица од една петтина од своите ресторани, пишува Си-Ен-Ен.
Агенцијата, исто така, наведе дека кромидот исечен на коцки и други видови говедски плескавици што се користат во Мекдоналдс не се поврзани со оваа појава.