Русија не треба да го потценува непријателот: непријателот и западниот свет се подготвени да направат се за да ја избришат Русија од лицето на земјата, изјави заменик-претседателот на Советот за безбедност на Русија Дмитриј Медведев.
Тој на својот профил на Телеграм додаде дека сега најважно е да се концентрираме што е можно повеќе и да одговориме на вистински начин.
Според него, руската армија има значителна предност во авијацијата, оклопните сили, како и во високопрецизното оружје.
– И, се разбира, има морална предност – нагласи тој.
Официјалниот претставник оцени дека Русија треба да го запре режимот во Киев, а потоа да започне офанзива со цел да го собори нацистичкиот режим.
Украинската контраофанзива не е воопшто неочекувана за Москва, рече политичарот и посочи дека Киев нема друг излез, бидејќи треба да го оправда оружјето и парите што ги добил.
Медведев исто така смета дека украинскиот претседател Володимир Зеленски не може да го разочара Западот, бидејќи тоа може да го чини не само политичка позиција, туку и живот.
Министерството за надворешни работи на Русија претходно објави дека западните земји бараат од Киев да продолжи со офанзивните акции и да окупира нови руски региони, иако разбираат дека таквите планови се осудени на неуспех.
Сите информации поврзани со најновите случувања со војната во Украина можете да ги прочитате ТУКА.