Кумановската Гимназија „Гоце Делчев“ денеска ја одбележа 151-годишнината од раѓањето на својот патрон, револуционерот Гоце Делчев.
Со приствуто на учениците, наставниците, но и многубројни делегации на општината, политичките партии и здруженија во дворот на училиштето беше положено свежо цвеќе.
Пред присутните беше исчината и поезија напишана за Делчев.
– Денеска за нас е навистина многу значаен ден, го одбележавме раѓањето на нашиот патрон Гоце Делчев за кој што се гордееме што како училиште го носиме неговото име. Секогаш се водиме од неговата мисла и се бориме на сите полиња да бидеме најуспешни. Благодарност голема до нашите ученици кои и за оваа пригода денеска се организираа за да ги покажат своите способности во творештвото, во делот на поезијата, изјави Марија Тодоровска, директор на училиштето.
Пред присутните со „Песна за Гоце“ под диригентска палка на наставникот Филип Петровски се претстави и училишниот оркестар и хор „Симфониум“, а како тоа изгледаше погледнете во видеото подолу.
Никола Ивановски