Американскиот претседател Џозеф Бајден и неговата сопруга Џил ги објавија своите даночни пријави, кои покажуваат дека парот заработил речиси 580.000 долари минатата година и платил ефективна федерална стапка на данок на доход од 23,8 отсто.
Американскиот претседател и првата дама, исто така, донирале околу 3,5 отсто од својот приход, или 20.180 долари, на 20 хуманитарни организации, пренесува Ројтерс.
Тие пријавија бруто приход за 2022 година од 579.514 американски долари и платија 137.658 американски долари федерален данок на доход.
Претходната година, прва на Бајден како претседател, тие пријавија приход од 610.702 долари.
Бајден добива плата од 400.000 долари како претседател на САД, а Џил Бајден заработила 82.335 долари од нејзината работа како предава англиски јазик на колеџот Северна Вирџинија.
Остатокот од нивниот приход доаѓа од камати на инвестиции, пензии, ануитети и хонорари од книги.
Годишниот извештај, пред крајниот рок во вторник на полноќ за повеќето Американци да поднесат даночни пријави, доаѓа во пресрет на претседателската трка во 2024 година во која се очекува Бајден да побара втор, четиригодишен мандат и во која тој повторно, како и во 2020 година, може да биде ривал.републиканскиот поранешен претседател на САД Доналд Трамп.
За разлика од републиканците, Бајден се залага за повисоки даноци за корпорациите и поединците кои заработуваат над 400.000 долари годишно.