Претседателот на Претставничкиот дом на САД, Кевин Мекарти се спротивстави на напорите на неговите републикански колеги да го забрзаат финансирањето на Украина и вети дека ќе го блокира секој предлог-закон што ги поткопува новите ограничувања на трошоците на САД.
Тој рече дека не ја исклучува можноста за дополнително финансирање за Украина, но неговите коментари покренаа скептицизам во време кога војната влегува во нова критична фаза, пишува Блумберг.
Мекарти рече дека ги поддржува воените напори на Украина, но се спротивставува на напорите на републиканскиот сенатор Линдзи Греам да ги заобиколи ограничувањата на трошоците за одбраната наметнати со договорот за плафонот на долгот усвоен од Конгресот минатата недела.
„Линдзи сака да троши пари за секоја војна во светот“, рече претседателот на Претставничкиот дом.
Тој предупреди дека секое барање за обезбедување повеќе средства за Украина ќе биде внимателно разгледано.
„Не можете едноставно да фрлате пари и да кажете дека некому му требаат. Што е со парите што веќе ги потрошивме? Што е употребата на парите, а што е победата“, праша Мекарти.
Сите информации поврзани со најновите случувања со војната во Украина можете да ги прочитате ТУКА.