Цвијановиќ: Странците со своите постапки придонесоа за кошмарот низ кој минува БиХ

Сподели со своите пријатели

Претседателката на Република Српска Жељка Цвијановиќ изјави дека она што го попречува успехот на Босна и Херцеговина не се санкциите против поединци, туку фактот дека странскиот фактор постојано ги игнорира вистинските проблеми во Босна и Херцеговина.

Loading...

„Тие со нивните интервенции и противуставни експерименти придонесоа значително, можеби и решително за овој кошмар низ кој минува БиХ“, вели Цвијановиќ во интервју за порталот Уна ТВ.

Зборувајќи за санкциите што ѝ ги изрече Велика Британија, таа изјави дека тие санкции не ѝ се отежнувачки, бидејќи „произлегле од сомнеж и со прилично груби и целосно неточни објаснувања“.

ПРОЧИТАЈТЕ И:  Во Грција се размислува за намалување на работното време на продавниците

Според неа, санкциите настанале „најмногу поради злоба кон тоа што постои Република Српска која го брани Уставот, а не она што тие се обидоа да го направат од Уставот во врска со бошњачките партии“.

„Она што го отежнува успехот на Босна и Херцеговина не се санкциите против поединци, туку хроничното затворање на очите на странскиот фактор пред реалните проблеми. Тие со своите интервенции и неуставни експерименти придонесоа значително, можеби и решително за овој кошмар низ кој минува БиХ“, рече Цвијановиќ.

ПРОЧИТАЈТЕ И:  Во Грција се размислува за намалување на работното време на продавниците

Таа, пак, оцени дека е неопходна соработка со странски фактор.

„Дали подобро ќе се разбереме, не зависи само од нас. Ако зборуваме за соработка во рамките на БиХ, таа е неопходна и многу потребна. Повторно, дали ќе се реализира не зависи само од Република Српска. Сметам дека ексклузивноста на политичкото Сараево и желбата за доминација е најголемата пречка за нормален соживот. Насилното создавање граѓанска држава не е реално и само ги отежнува работите“, нагласи таа.

Цвијановиќ, која е кандидат на СНСД за српски член на Претседателството на БиХ на изборите во октомври, нагласи дека доколку биде избрана планира да замине во Сараево и да ја работи својата работа во согласност со Уставот и во интерес на Република Српска.

Loading...
ПРОЧИТАЈТЕ И:  Во Грција се размислува за намалување на работното време на продавниците

„Правилата се јасни, вие сте избрани да работите во интерес на Република Српска во Претседателството на Босна и Херцеговина и да користите механизми за уставна заштита кога тие интереси се загрозени. Фактот што имате тричлено Претседателство ја покажува сложеноста на работата, но и процедурите се јасни“, рече таа.