Блинкен со Сиси за деескалација на тензиите меѓу Израел и Палестина

Сподели со своите пријатели

Американскиот државен секретар Ентони Блинкен денеска разговараше со египетскиот претседател Абдел Фатах ел Сиси за начините за деескалација на тензиите меѓу Израел и Палестина, како дел од неговата тридневна посета на земјите од Блискиот Исток.

Loading...

По пристигнувањето во Египет, Блинкен рече дека сака да го зајакне „стратешкото партнерство“ меѓу Вашингтон и Каиро, кој е американски воено-трговски партнер и посредуваше во израелско-палестинскиот конфликт во минатото, пренесува Ројтерс.

Блинкен се среќава со египетскиот министер за надворешни работи Самех Шукри и подоцна денеска ќе отпатува за Ерусалим на разговори со израелскиот премиер Бенјамин Нетанјаху поради загриженоста дома и во странство за политиката на новата израелска десничарска влада.

ПРОЧИТАЈТЕ И:  Северна Кореја истрела балистичка ракета за прв пат по 2 месеци

Блинкен потоа ќе отпатува за Рамала за да се сретне со палестинскиот претседател Махмуд Абас. На состанокот со Сиси, Блинкен разговарал и за регионални прашања, вклучувајќи ги и напорите за постигнување договор меѓу ривалските фракции во Либија, се вели во соопштението објавено од портпаролот на американскиот Стејт департмент Нед Прајс.