Акционерите на Твитер во седиштето на компанијата во Сан Франциско одлучија да ја одобрат продажбата на социјалната мрежа на Илон Маск за 44 милијарди долари.
Одлуката на акционерите значи дека „Твитер“ ќе се обиде на суд да го натера најбогатиот човек на светот да ја купи компанијата, пишува ББС.
Гласањето дојде неколку дена по третото писмо на Маск до „Твитер“, во кое тој бара да го раскине договорот, потсетува СНН.
„Твитер“ ја прифати понудата на Маск да ја купи компанијата во април, но тој во мај изјави дека се откажува бидејќи му дале неточни податоци за бројот на спам и бот профили.
На Маск му соопштија од Твитер дека помалку од пет проценти од активните дневни корисници се ботови, но тој тврди дека бројката е многу пати поголема.
Берзанската вредност на „Твитер“ моментално изнесува 32 милијарди долари, што е значително помалку од она што го понуди Маск.
Акционерите на Твитер и дадоа зелено светло на компанијата да го тужи Маск за откажување од купувањето.
Спорот би можел да се реши во октомври, кога страните ќе ги изнесат своите аргументи пред судот во Делавер, по што судијата ќе одлучи дали Маск мора да ја купи компанијата.