НОВ ЈАПОНСКИ ИЗУМ: Фрижидер за луѓе го лади телото за неколку минути подобро од клима уред (ВИДЕО)

On:
Сподели со своите пријатели

Додека температурите рушат рекорди, Јапонија понуди необично решение – „фрижидер за луѓе“ кој го лади телото за само неколку минути.

Како што температурите во Јапонија достигнуваат 38°C, а владата издава предупредувања за топлотен удар, две јапонски компании претставија решение за екстремната топлина – човечки фрижидер.

Уредот наречен Do Hiemon или „лична кутија за ладење“ е заеднички развиен од производител на автомати за продажба и компанија за производство на челични кутии за алати, а неговата цена е околу 8.000 евра, објавува Telegraf.

 

 

ПРОЧИТАЈТЕ И:  Tрета „топлотна купола“: Топлотен бран од Сахара ѝ се заканува на Европа со температури до 47 степени!

Брзо ладење до 5°C

Уредот е дизајниран како кабина од не’рѓосувачки челик со вграден стол.

Кога корисникот седи внатре, системот почнува да испушта моќни млазови воздух оладени на 5°C.

Воздухот е насочен кон главата, вратот, рамената и грбот со цел што побрзо да се намали телесната температура.

Внатрешноста на кабината се одржува на температура од околу 15°C, а системот автоматски се исклучува од безбедносни причини по максимум 20 минути употреба. Фрижидерот за луѓе е висок околу 213 см и длабок 120 см.

Намена и енергетска ефикасност

Производителот SDRS наведува дека работењето на уредот чини само 16 јени, или околу 0,10 евра на час, што го прави енергетски поефикасен од конвенционалните клима уреди.

ПРОЧИТАЈТЕ И:  Tрета „топлотна купола“: Топлотен бран од Сахара ѝ се заканува на Европа со температури до 47 степени!

Добавувачот Trusco истакнува дека ова е првиот преносен уред кој обезбедува ладење на целото тело и кој може да го лади телото побрзо од стандардниот клима уред.

Компаниите предлагаат поставување на овие мобилни кабини на градилишта и земјоделски површини, каде што работниците би можеле да се одморат од летните горештини.

Тие исто така можат да се користат во трговски центри, училишта, фестивали и спортски терени. Производителите тврдат дека корисникот се чувствува значително посвеж по само пет минути, додека десет минути во кабината се доволни за ублажување на симптомите на топлотна исцрпеност.