Европската унија денеска објави нов пакет хуманитарна помош за Украина во износ од 140 милиони евра и дополнителни осум милиони евра помош за Молдавија.
Финансирањето е дизајнирано да му помогне на населението на Украина со храна, засолниште, чиста вода и греење, пренесува Ројтерс.
Пакетот за помош беше најавен додека европскиот комесар за управување со кризи, Аја Лабиб, е во посета на Украина за да разговара за хуманитарните предизвици од војната во земјата.
„Нашето ново финансирање од 148 милиони евра хуманитарна поддршка е дополнителен доказ дека стоиме со Украинците во нивното време на потреба.
„Ќе продолжиме да правиме се што е во наша моќ за да им помогнеме на погодените од оваа криза со сите наши партнери и украинските власти“, рече Лабиб, пренесува Танјуг.