Амбасадорот на Европската унија во Грузија, Павел Херчински, денеска изјави дека потегот на Тбилиси да ги прекине преговорите за пристап со ЕУ до 2028 година е „срцекршач“ и дека е спротивен на желбите на мнозинството Грузијци.
„Она што се случи вчера јасно е во спротивност со политиката на претходната влада на Грузија, политиката на сите претходни влади на Грузија, исто така е во спротивност со желбите на огромното мнозинство од населението во Грузија. Според мене, тоа е многу тажно и потресно“, рече Херчински, пренесува Ројтерс повикувајќи се на локалната агенција Интерпрес.
Грузиската владејачка партија „Грузиски сон“ во четвртокот објави дека земјата ќе ги прекине преговорите за пристапување во Европската унија до 2028 година, истовремено отфрлајќи ги сите буџетски грантови од Брисел, по, како што беше најавено, „каскада на навреди“ од ЕУ, т.е. затоа што Европскиот парламент ги прогласи неодамна одржаните парламентарни избори во Грузија за неважечки, тврдејќи дека тие „не ја претставуваат веродостојно волјата на грузискиот народ“ и побара да се одржат нови избори во рок од една година. под меѓународен надзор.
Против таа одлука на грузиската влада беа организирани протести во кои беа уапсени 43 лица, а повредени се 32 полицајци.
Демонстрантите фрлаа факели кон полицијата, додека некои се обидоа да ги урнат металните бариери пред парламентот.
Претставниците на опозицијата повикуваат на нови протести.
Претседателката на Грузија, Саломе Зурабишвили, објави дека „заврши уставниот удар“ во Грузија, коментирајќи ја одлуката на владата да го прекине евроинтегративниот процес на земјата.
„Денес е ставен крај на уставниот удар кој трае неколку недели, па дури и месеци. На движењето од Европа кон Русија му дојде крајот, изјави во четвртокот на брифинг за новинарите, пренесува независниот грузиски портал „Сова“.
ЕУ претходно оваа година соопшти дека барањето за членство на Грузија е замрзнато како одговор на новите закони против „странските агенти“ и правата на ЛГБТ, за кои критичарите велат дека се „инспирирани од Москва“.
Анкетите на јавното мислење во Грузија покажуваат дека членството во ЕУ е поддржано од околу 80 отсто од грузиското население.
Партијата Грузиски сон победи на изборите во октомври со речиси 54 отсто од гласовите.