Поранешниот италијански претседател Џорџо Наполитано, поранешен комунист кој помогна неговата земја да излезе од должничката криза во 2011 година, почина на 98-годишна возраст.
Сочувство пристигнаа од кабинетот на италијанската премиерка Џорџа Мелони, други политичари, Ватикан и пошироко.
– Со благодарност се сеќавам на личните средби што ги имав со него, на кои ја ценев неговата хуманост и предвидливост во правењето на правилни важни избори, особено во деликатни моменти за животот на земјата – напиша папата Франциск во телеграмата со сочувство до сопругата на Наполитано.
Наполитано разви блиски односи со починатиот папа Бенедикт Шеснаесетти, претходникот на Франциско, и беше еден од ретките луѓе кои беа предупредени за шокантната оставка на Бенедикт во февруари 2013 година.
Функцијата италијански претседател е главно церемонијална, но Наполитано ги искористи своите овластувања за да спречи криза на крајот на 2011 година со назначувањето на поранешниот технократ на Европската комисија Марио Монти да ја води владата по оставката на премиерот Силвио Берлускони поради спорот околу намалувањето на трошоците.
Две години подоцна, тој проби уште еден политички ќорсокак кога формираше голема коалиција под водство на политичарот од левиот центар Енрико Лета по неуспешните парламентарни избори.
Наполитано стана претседател во 2006 година и беше избран за втор седумгодишен мандат во 2013 година, во потег без преседан. Тој поднесе оставка во 2015 година, поради неговата старост.
За време на политичката кариера која започна на почетокот на 1950-тите, тој беше избран во италијанскиот и европскиот парламент и беше министер за внатрешни работи и претседател на Долниот дом на парламентот, пренесува Ројтерс.