Обединетите Арапски Емирати и Етиопија денеска ја поздравија одлуката на лидерите на БРИКС да се прошират и да ги поканат овие две земји да се приклучат на економскиот сојуз.
Претседателот на Обединетите Арапски Емирати (ОАЕ), шеикот Мохамед бин Зајед Ал Нахјан денеска изјави дека го почитува вклучувањето на неговата земја во БРИКС.
„Ја почитуваме визијата на раководството на БРИКС и го цениме вклучувањето на ОАЕ во членството на оваа важна група. Очекуваме континуирана посветеност, соработка за просперитет, достоинство и благосостојба на сите народи и луѓе ширум светот“, напиша претседателот на ОАЕ на платформата Х (Твитер).
Етиопскиот премиер Абиј Ахмед денеска во објава на Платформата Х објави дека одлуката на членката на БРИКС да ја покани Етиопија да се приклучи е „важна одлука“ и дека неговата земја сака да соработува за „инклузивен и просперитетен глобален поредок“, пренесува Ројтерс.
Обединетите Арапски Емирати, Саудиска Арабија, Иран, Аргентина, Египет и Етиопија се официјално поканети да се приклучат на БРИКС, соопшти денеска јужноафриканскиот претседател Сирил Рамафоза по самитот на групата во Јоханесбург, пренесува Танјуг.