Во Нагасаки се одржа церемонија во чест на жртвите од американскиот нуклеарен напад врз тој јапонски град на 9 август 1945 година, во кој загинаа 74.000 луѓе.
Во својот говор во Паркот на мирот, градоначалникот на Нагасаки, Томихиса Тауе, рече дека нуклеарното оружје може да се користи се додека постои и дека нивното елиминирање е единствениот начин да се спаси иднината на човештвото.
Тој додаде дека руската инвазија на Украина му покажа на светот дека уште еден нуклеарен напад не е само загриженост, туку „очигледна и непосредна криза“.
На 6 август 1945 година, САД ја фрлија првата атомска бомба во светот врз Хирошима, која го уништи градот и уби 140.000 луѓе.
Три дена подоцна, втората бомба беше фрлена врз Нагасаки. Јапонија, една од силите на Оската, се предаде на 15 август.