Ураганот Никол го погоди брегот на Флорида, постои опасност од торнадо (ВИДЕО)

On:
Сподели со своите пријатели

Ураганот Никол рано утринава го погоди источниот брег на Флорида, носејќи силен дожд и опасни бранови на невреме во регионот.

Loading...

Ова е првиот ураган што ги погоди САД во ноември по речиси 40 години, пишува CNN.

„Никол“ е ураган од прва категорија и ја погоди областа на плажата Веро со ветрови од 120 километри на час.

 

 

Некои области се веќе поплавени, а тоа се области кои беа погодени од ураганот Иан пред помалку од два месеци, соопшти Националниот центар за урагани.

Никол се зајакна од тропска бура во ураган

Постои закана дека Никол ќе донесе и торнадо, па стотици летови се откажани, училиштата и универзитетите се затворени, а луѓето се евакуирани од зградите за кои се смета дека се во опасност од уривање.

Loading...

 

 

Никол синоќа зајакна од тропска бура во ураган, со силни ветришта и опасни бранови на невремето на островот Гранд Бахама, соопшти Националниот центар за урагани на САД.

Предупредувањето за ураган остана на сила на островите Абакос, Бери и Гранд Бахама.

 

 

Loading...

Бидејќи Никол е голема бура, нејзиното влијание ќе се почувствува многу подалеку од центарот.

Синоптичарите во центарот за урагани рекоа дека Никол ќе ослабне додека се движи над Флорида.

Предупредување за ураган за повеќе од пет милиони луѓе

Предупредувањето за ураган се однесува на повеќе од пет милиони луѓе.

Во источна, централна и северна Флорида ќе наврнат и до 20 сантиметри дожд.

Дополнително, до петок се очекува да наврнат меѓу пет и 15 сантиметри дожд во југоисточниот дел на САД.

 

 

Loading...

Ова исто така важи и за делови од јужните и централните Апалачи и регионот на западниот Атлантик, според центарот за урагани.

Жителите на Јужна Каролина, каде што се преземаат безбедносни мерки, исто така треба да се подготват за Никол, соопшти државната канцеларија за управување со вонредни состојби.