Украинските воздухопловни сили рано утрово загубија борбен авион Су-27 за време на сложена борбена мисија, објави „Украинска правда“, повикувајќи се на соопштение од украинските воздухопловни сили.
Инцидентот се случил за време на операција за обезбедување воздушна поддршка на украинските сили и одбивање на напад од руски дронови.
Специјално формирана комисија започна истрага за причините за несреќата. Пилотот успешно се катапултирал, а спасувачката екипа брзо пристигнала на местото на слетување.
Пилотот е однесен во болница на дијагностика, а неговата состојба е стабилна и неговиот живот не е во опасност, пренесува Правда.
Су-27 (ознака на НАТО: Фланкер) е повеќенаменски ловец од четврта генерација, развиен во Советскиот Сојуз кон крајот на 20 век.
По распадот на СССР, производството на овој тип авиони продолжи во Русија.