Русија и Украина одржаа мировни преговори во понеделникот во Истанбул, а украинскиот претседател Владимир Зеленски во доцното обраќање во вторникот рече дека сигналите од мировните преговори со Русија може да се наречат позитивни.
„Можеме да кажеме дека сигналите што ги добиваме од разговорите се позитивни, но тие не ги намалуваат експлозиите на руските гранати“, рече тој, додавајќи дека Украина може да верува само во конкретниот исход од разговорите.
Зеленски повтори дека секој мировен договор треба да вклучува заминување на руските сили од украинска територија.
Тој, исто така, повика на построги санкции кон Русија и ја отфрли идејата за укинување на сегашните санкции додека не заврши војната и не биде задоволена правдата.
Украинците објавија список со барања доколку се согласат на неутралност
Украинците веќе извесно време не негираат дека се подготвени да се согласат на неутралност. Објавија какви гаранции бараат од Западот.
Шефот на украинската делегација, Дејвид Арахамија, рече дека Украина сака меѓународен договор потпишан од земјите „гаранти на безбедноста“, кој вклучува:
– Одредба дека во рок од три дена од почетокот на војната, агресијата или воената операција, земјите гаранти ќе бидат законски обврзани да ѝ пружат воена помош на Украина
– Тоа би било во форма на оружје и „затворање на небото“ – односно воведување зона на забранети летови, што Западот досега одбиваше да го направи во војната во Украина.
– Гарантите ќе бидат постојани членки на Советот за безбедност на ОН: Соединетите Американски Држави, Обединетото Кралство, Франција, Кина и Руската Федерација, но „за ова треба да се разговара посебно“. Украина, исто така, сака да ги види Турција, Германија, Канада, Италија. , Полска и Израел како гаранти.
– Безбедносните гаранции нема да важат за „привремено“ окупираните територии Доњецк и Луганск
– Од сите земји гаранти се очекува да не се противат на пристапувањето на Украина во Европската унија и да и помогнат во овој процес.
„Тоа е клучната работа. Треба да ја добиеме поддршката од општеството за да го консолидираме овој договор“, рече тој.
Русија сѐ уште не одговорила на барањата на Украина за неутрален статус.