Украинскиот парламент денеска најави усвојување на нов закон, кој ќе и овозможи на државата да го заплени имотот на лицата кои ја поддржуваат руската инвазија.
Според законот, секој кој ја поддржува војната може да заврши пред Врховниот антикорупциски суд на Украина, чии службеници ќе можат да го запленат имотот на лицето и да го префрлат во државниот буџет, се вели во соопштението на украинскиот парламент.
На затворениците од Азовстал ќе им суди Меѓународниот трибунал во ДНР
Да потсетиме, украинската економија претрпе сериозно за време на руската инвазија. Минатиот петок, лидерите на Г7, најмоќната економија во светот, ветија 19,8 милијарди долари помош за Украина за закрепнување на економијата, но и за купување оружје за одбрана.
„Постапката за идентификување и конфискација на имотот на лица под санкции, кои на еден или друг начин ја поддржуваат агресијата на окупаторите врз Украина, ќе овозможи брзо и ефикасно надополнување на украинскиот буџет на сметка на непријателот“, се вели во соопштението на парламентот.