Откако Камала Харис одржа говор на Националната конвенција на Демократската партија (ДНЦ), реагираше и Доналд Трамп кој упати низа критики кон бројни функционери на оваа партија.
Во интервју за Fox News по обраќањето на Харис, Трамп повтори дека таа е ужасна личност.
„Таа е неуспешна. Јас сум успешен човек. Одлично ми оди со латиноамериканските гласачи. Одлично се снаоѓам со црнците. Добро се снаоѓам и со жените бидејќи тие сакаат сигурност“, изјави Трамп.
Тој исто така рече дека планира да се сретне и со Роберт Кенеди Џуниор. кој би можел да го поддржи во неговата кандидатура.
„Имав одличен однос со него низ годините, го почитувам. Тој ме почитува. Немам поим дали ќе ме поддржат. Ќе се сретнеме и ќе разговараме за тоа“, изјави тој.
Покрај Фокс, Трамп објави и десетици коментари на социјалната мрежа Truth Social и го критикуваше речиси секој дел од нејзиниот говор.
„Таа не ја спомна Кина, не ја спомна енергијата, не ги спомна Русија и Украина, не ги спомна големите теми на денот што ја уништуваат нашата земја“, додаде тој.
Потпретседателката на Демократската партија, Камала Харис, го одржа најважниот говор во нејзиниот живот во четвртокот, на последната вечер на Демократската национална конвенција во Чикаго, при што таа официјално ја прифати нејзината номинација за претседателски кандидат на Демократите.