Зајакнувањето на врските меѓу Кина и Русија му штети на „меѓународниот мир“, соопштија властите во Тајван.
Тајван „остро ја осудува Русија за следење на авторитарната и експанзионистичка влада на Комунистичката партија на Кина во нејзините лажни изјави на меѓународни состаноци кои го поткопуваат суверенитетот на нашата земја“, се вели во соопштението на тајванското Министерство за надворешни работи.
Москва „ги означува оние кои го одржуваат мирот и статус кво како провокатори, што во голема мера ја покажува штетата што сојузот меѓу кинескиот и рускиот авторитарен режим му ја нанесува на меѓународниот мир, стабилност, демократија и слобода“, се додава во соопштението.
Претседателите на Кина и Русија, Си Џинпинг и Владимир Путин, изразија меѓусебна поддршка и желба за зајакнување на билатералните врски поради кризата во односите со Западот.
Си и Путин се состанаа на маргините на самитот на Шангајската организација за соработка во узбекистанскиот град Самарканд во време на многу затегнати односи со САД.
Сите информации поврзани со најновите случувања во Тајван можете да ги прочитате ТУКА.