фото: X Screenshot

Американски борбен авион Ф-16 се урна во Мичиген (ВИДЕО)

On:
Сподели со своите пријатели

Американски борбен авион Ф-16 се урна во Мичиген, на север од САД, а пилотот сигурно се катапултирал, објавија американските медиуми.

Авионот припаѓал на Националната гарда на воздухопловните сили на Тексас и извршувал обука кога се урна.

Медиумите известуваат дека авионот се урнал околу 14 часот неколку километри источно од државниот парк Интерлохен.

Управата за вонредни ситуации на округот Гранд Траверс нареди евакуација на сите во рамките на една милја од местото на несреќата, но не даде детали.

Сведоци изјавија дека слушнале силен тресок, а сликите објавени на социјалните мрежи покажаа темен облак од чад во воздухот.

ПРОЧИТАЈТЕ И:  Радикален потег: Трамп би можел да повлече половина од американските сили од Европа

Наредникот Дерек Гутиерез, специјалист за јавни работи за 149-та борбена ескадрила, за Асошиејтед прес изјави дека пилотот се катапултирал безбедно и е на лекување во локална болница.

Гутиерез одби да открие детали за идентитетот на пилотот или за евентуални повреди, повикувајќи се на воената политика.

Сенаторот од Мичиген, Гари Питерс, изјави на X дека „внимателно ја следи ситуацијата“ и работи на „добивање повеќе информации“.