Стотици граѓани протестираат против сиромаштијата во Тунис

Сподели со своите пријатели

Стотици граѓани учествуваа на протестите во Тунис против сиромаштијата, високите цени и недостигот на одредени прехранбени производи.

Loading...

Граѓаните учествуваа во протестите, со што го зголемија притисокот врз претседателот на државата Каис Саид да ја реши економската и политичката криза во земјата, јавува денеска Ројтерс.

Протестот во главниот град се одржа во текот на изминатата ноќ, дел од граѓаните во рацете држеа погачи, а младите палеа гуми.

Полицијата употреби солзавец за да ги растера демонстрантите.

Тунис се соочува со инфлација од речиси девет проценти и недостиг на многу прехранбени производи, вклучително и основните, бидејќи земјата не може да го плати увозот на оваа храна.

ПРОЧИТАЈТЕ И:  Во Јапонија лани регистрирани рекордни 123.000 случаи на злоупотреба на деца

Тунис бара помош од Меѓународниот монетарен фонд за да ги спаси јавните финансии од колапс.

Тунис се соочува и со сериозна политичка криза откако претседателот Саид минатата година ја презеде контролата врз извршната власт и го распушти парламентот.

Неговите противници тие потези ги нарекоа државен удар.

Loading...

Сите информации за економско-енергетската криза во светот можете да ги прочитате ТУКА.